Զբաղվածություն և ձեռնարկատիրություն: Դասընթացավարի ձեռնարկ

Զբաղվածություն և ձեռնարկատիրություն: Դասընթացավարի ձեռնարկ

• Posted In :
• 0 : comment

«Հայ առաջադեմ երիտասարդություն» հասարակական կազմակերպությունը Եվրոպական միության ֆինանսավորմամբ ընթացող և «Մարդը կարիքի մեջ» ՀԿ-ի կողմից իրականացվող Քովիդ-19 Համերաշխության ծրագրի ենթադրամաշնորհային միջոցներով իրականացնում է «Զբաղվածությանը նպաստող պետական և քաղհասարակության ոլորտի ծրագրերի արդյունավետության բարձրացում» շահերի պաշտպանության ծրագիրը:

Ծրագրի շրջանակներում մշակվել է տնտեսապես և սոցիալապես խոցելի անձանց տնտեսական ինտեգրմանը նպաստող մոդուլյար գործիքակազմ՝ դասընթացավարի ձեռնարկ, որը բաղկացած է 24 թեմաներից։

Ձեռնարկը պատրաստվել է Եվրոպական միության ֆինանսական աջակցությամբ:

Ձեռնարկի բովանդակության համար պատասխանատվություն է կրում «Հայ առաջադեմ երիտասարդություն» հասարակական կազմակերպությունը, և պարտադիր չէ, որ այն արտահայտի Եվրոպական միության տեսակետները:

Ներածություն

ՀՀ-ում զբաղվածության խթանումը ինչպես երիտասարդների, Հայաստանի Հանրապետությունում զբաղվածության խթանումը ինչպես երիտասարդների, այնպես էլ մեծահասակների շրջանում առաջնահերթություն է։ Սրա մասին են վկայում թե՛ վիճակագրական տվյալները, թե՛ պետական ու ոչ պետական կառույցների աճող հետաքրքրվածությունն ու նախաձեռնողականությունը։ Հատկապես վերջին շրջանում սոցիալ-տնտեսական իրավիճակով պայմանավորված՝ զբաղվածության խնդրի առաջ կանգնածների թիվը բազմակի մեծացել է։ Բազմապատկվել է նաև զբաղվածություն և ձեռնարկատիրություն խթանող ծրագրերի թիվը, դրանց կարիքը ևայդպիսի ծրագրեր իրականացնող ամենատարբեր կազմակերպությունների ներգրավվածությունը։

Այս հիմնախնդրին անդրադարձել է նաև «Հայ առաջադեմ երիտասարդություն» հասարակական կազմակերպությունը՝ առաջարկելով ստեղծել տնտեսապես և սոցիալապես խոցելի անձանց տնտեսական ինտեգրմանը նպաստող մոդուլյար գործիքակազմ՝ դասընթացավարի ձեռնարկ:

Կազմակերպության կողմից խոցելի անձանց հետ աշխատանքում գործածված շուրջ 40 թեմաներից ընտրվել են այն 24 թեմաները, որոնք առավել կիրառելի են սեղմ ժամանակային միջակայք ունեցող ծրագրերում:

Այս ձեռնարկը նախատեսված է ոչ ֆորմալ ուսուցման սկզբունքներով և մեթոդաբանությամբ զբաղվածության պետական ևոչ պետական կազմակերպությունների, ինչպես նաև անհատ ուսուցանողների ու դասընթացավարների համար՝ նպաստելու ծրագրերին ներգրավված անհատների զբաղվածության և ձեռնարկատիրական հմտությունների զարգացմանը։

Եթե ցանկանում եք ծանոթանալ ամբողջական ձեռնարկին, ապա ուղարկեք նամակ [email protected] հասցեին։